Kjo çështje gjyqësore ka të bëjë me Hashim Thaçin, Bashkim Smakaj, Isni Kilajn, Fadil Fazliun dhe Hajredin Kuçin në lidhje me vepra penale kundër administrimit të drejtësisë. Pas konfirmimit të Aktakuzës, të pesë të akuzuarit u vetëdeklaruan të pafajshëm. Dosja e çështjes iu kalua Gjykatësit të Vetëm për gjykim më 12 nëntor 2025 dhe gjykimi filloi më 27 shkurt 2026. ZPS-ja përfundoi paraqitjen e provave të saj më 13 mars 2026. Gjatë fazës së paraqitjes së provave të Mbrojtjes, vetëm ekipet e Mbrojtjes së Thaçit dhe të Kilajt paraqitën prova, ndërsa një dëshmitare e thirrur nga Mbrojtja e Thaçit dëshmoi në sallë të gjyqit më 11 dhe 12 maj 2026. Procedura e paraqitjes së provave u mbyll më 5 gusht 2026 dhe deklaratat përmbyllëseu mbajtën nga 10 deri më 14 shtator 2026.