Me nismën e vet ose me kërkesë të të dyshuarit ose të akuzuarit, Administratorja mund të rishikojë një vendim të marrë në bazë të kësaj rregulle, në qoftë se:
vendimi ndikohet në mënyrë të konsiderueshme nga një ndryshim i rrethanave;
Administratorja vihet në dijeni të një informacioni të ri të rëndësishëm; ose
i dyshuari ose i akuzuari ka paraqitur informacion të rremë ose qëllimisht nuk ka paraqitur informacion me rëndësi.
Të dyshuarit ose të akuzuarit të cilët nuk kanë mjete financiare të mjaftueshme, kanë të drejtë të përfitojnë ndihmë juridike. Ndihma juridike për pagesën e mbrojtësit jepet edhe për viktimat që marrin pjesë në procese gjyqësore. Rregullorja e Ndihmës Juridike mund të lexohet këtu.
Në korrik 2018, ekipi i Programit për Komunikim dhe Ndërgjegjësim së bashku me një ekspert ligjor të DHSK-së, bënë prezantime në një tryezë të rrumbullakët të organizuar me gazetarë në Prishtinë, si edhe me shoqërinë civile dhe punonjës të komunave në Obiliq. Gjithashtu, Ekipi për Komunikim dhe Ndërgjegjësim kreu konsultime me OJQ në Prishtinë dhe Mitrovicën e Veriut.
17-19 shtator 2018
Në konsultim me OJQ serbe dhe me Odën e Avokatëve të Serbisë, përfaqësues të DHSK-së informuan për mandatin dhe procedurat e Dhomave të Specializuara të Kosovës si dhe për pjesëmarrjen e viktimave.
3-5 tetor 2018
Avokati i Popullit i DHSK-së, gjykatësi Pietro Spera, kreu një vizitë në Kosovë gjatë së cilës u takua me Avokatin e Popullit të Kosovës dhe me përfaqësues të OJQ-ve. Ai dha intervista për KTV-në dhe për Zërin e Amerikës.
Nga 3 deri më 7 dhjetor 2018, përfaqësues të DHSK-së zhvilluan konsultime me OJQ dhe me gazetarë në Prishtinë, Gjilan dhe Graçanicë. Ekipi për Komunikim dhe Ndërgjegjësim organizoi një seminar me të rinj dhe një ligjëratë në Fakultetin e Drejtësisë në Pejë, si edhe dy tryeza të rrumbullakëta në Gjilan dhe Graçanicë. Gjatë këtyre veprimtarive përfaqësues të DHSK-së shpjeguan mandatin e gjykatës, iu përgjigjën pyetjeve dhe u informuan për çështjet e ngritura si shqetësime nga pjesëmarrësit.
Më 25 janar 2019, Shefja e Zyrës së Pjesëmarrje së Viktimave, Silke Studzinsky, u takua me anëtarë të Odës së Avokatëve të Serbisë në Beograd, të cilëve u foli për mandatin dhe veprimtaritë e Dhomave të Specializuara të Kosovës dhe në veçanti për praktikën e pjesëmarrjes së viktimave në procedurat e ardhshme gjyqësore. Pas prezantimit u bënë pyetje dhe diskutime.
Nga 5 deri në 8 shkurt 2019, përfaqësues nga Dhomat e Specializuara të Kosovës ishin në Kosovë, ku biseduan me grupe të ndryshme për mandatin dhe veprimtaritë e gjykatës, mandatin e Zyrës së Avokatit të Popullit dhe praktikën e pjesëmarrjes së viktimave në procedurat e ardhshme gjyqësore në DHSK.
