Të tre personat akuzohen për vepra penale kundër administrimit të drejtësisë. Më 13 dhjetor 2023, ZPS-ja dorëzoi kërkesë për bashkimin e çështjes Januzi dhe Bahtijari (KSC-BC-2023-10) me çështjen Haxhi Shala (KSC-BC-2023-11). Në vijim, më 8 shkurt 2024, Gjykatësi i Procedurës Paraprake miratoi kërkesën e ZPS-së dhe vendosi që çështja e përbashkët do të quhet Prokurori i Specializuar kundër Sabit Januzit, Ismet Bahtijarit dhe Haxhi Shalës dhe do të mbajë numrin e çështjes KSC-BC-2023-10. Pas marrëveshjeve për pranimin e fajësisë mes ZPS-së dhe tre të akuzuarve, më 18 dhe 19 dhjetor 2024, Januzi, Bahtijari dhe Haxhi Shala u deklaruan fajtorë lidhur me pikat 2 dhe 3 të aktakuzës së konfirmuar. Më 4 shkurt 2025, Trupi Gjykues miratoi marrëveshjet për pranimin e fajësisë dhe shqiptoi dënimet: Haxhi Shala u dënua me 3 vjet burgim, ndërsa Januzi dhe Bahtijari u dënuan me nga 2 vjet burgim. Të akuzuarit u pajtuan gjithashtu që të paguajnë shumën prej gjithsej 500 euro si zhdëmtim viktimës së pranuar për pjesëmarrje në proces. Januzi dhe Bahtijari u liruan me kusht më 21 shkurt 2025 pas modifikimit të dënimeve të tyre nga Kryetarja e Dhomave të Specializuara të Kosovës. Të dy e përfunduan kryerjen e dënimeve të tyre më 4 tetor 2025. Haxhi Shala u lirua me kusht më 10 shkurt 2026 pa modifikimit të dënimit të tij.