Në përputhje me rregullën 15(2) të Rregullores së Punës të Dhomës së Specializuar të Gjykatës Kushtetuese, Paneli i Gjykatës Kushtetuese, në qoftë se e gjykon të nevojshme, mund të kërkojë informacione ose parashtrime plotësuese në lidhje me referimin e bërë sipas nenit 49 të Ligjit për Dhomat e Specializuara dhe Zyrën e Prokurorit të Specializuar.

Më poshtë gjenden parashtrimet e Avokatit të Popullit të paraqitura sipas kërkesës së Dhomës së Specializuar të Gjykatës Kushtetuese në lidhje me referimet:

Dhomat e Specializuara të Kosovës dhe Zyra e Prokurorit të Specializuar kanë detyrimin të mbrojnë të drejtat themelore të mishëruara në Kapitullin II të Kushtetutës së Kosovës dhe të veprojnë në përputhje me të drejtën ndërkombëtare për të drejtat e njeriut. Veprimtaritë e Avokatit të Popullit përfshijnë kompetencën për të kryer hetime mbi ankesat e pranuara. Më poshtë gjenden raportet e publikuara mbi ankesat e paraqitura, të lëshuara nga Avokati i Popullit:

Në partneritet me OJQ-të, Fondi për të Drejtën Humanitare në Kosovë, AKTIV dhe Nisma Rinore për të Drejtat e Njeriut në Kosovë, DHSK-ja mbajti katër ligjërata në internet që përfshinë gjithsej 70 studentë nga Kosova, Serbia dhe Bosnjë- Hercegovina. Synimi ishte shpëndarja e informacionit për Gjykatën, përgjigjet ndaj pyetjeve të pjesëmarrësve dhe dëgjimi i shqetësimeve të tyre.

Ekipi i komunikimit dhe ndërgjegjësimit i DHSK-së mori pjesë në një tryezë të rrumbullakët në internet të organizuar nga OJQ-ja, Nisma Rinore për të Drejtat e Njeriut e Serbisë për të dhënë informacion të hollësishëm në lidhje me Gjykatën dhe veprimtaritë e saj gjyqësore. Pjesëmarrësit erdhën nga OJQ të ndryshme për të drejtat e njeriut dhe zhvillim, me seli në Serbi.

Në vitin 2020, DHSK-ja vijoi të merrte reagime dhe rekomandime tepër të çmuara për veprimtaritë e saj të komunikimit dhe ndërgjegjësimit nga Rrjeti i Informimit të Gjykatës (RRIGJ), një forum i themeluar nga DHSK-ja në vitin 2018, i përbërë nga një grup prej 15 OJQ-sh nga Kosova dhe Serbia.

Në partneritet me OJQ-në, Nisma Rinore për të Drejtat e Njeriut, DHSK-ja zhvilloi veprimtarinë e saj të parë të komunikimit dhe ndërgjegjësimit për vitin 2021 me studentët e diplomuar dhe ata të magjistraturës nga Fakulteti Juridik i Prishtinës. Gjatë një diskutimi aktiv, pjesëmarrësit shtruan shumë pyetje për temat që kanë lidhje me procedurat vijuese gjyqësore të gjykatës, aspektet e kornizës ligjore, llojet e krimeve brenda juridiksionit të Gjykatës, si dhe me rolin e Avokatit të Popullit të DHSK-ZPSK-së.