Aktuale

Pas përfundimit të dëshmisë së Sokol Bashotës, ZPS-ja thirrë sot dëshmitarin e radhës. Ky është dëshmitar i mbrojtur W01225, i cili sipas përmbledhjes së Prokurorisë në gjykatë, ishte arrestua nga anëtarë të armatosur të UQK-ës në 1999, dhe më pas ishte ndaluar dhe keqtrajtuar në një zonë të UÇK-së.

Dëshmitari i 109-të i Prokurorisë në gjykatë Sokol Bashota vazhdon sot paradite dëshminë e tij.

Gjatë seancës së sotme, Trupi Gjykues lëshoi një urdhër gojor në lidhje me propozimin e Mbrojtësit të Viktimave më 2 tetor të këtij viti i cili ka të bëjë me kronologjinë e paraqitjes së provave prej Mbrojtësit të Viktimave dhe kërkesën për zhdëmtim. Pas konfirmimit se të gjithë palët pajtohen, Trupi Gjykues urdhëroi që paraqitja e provave prej Mbrojtësit të Viktimave të fillojë pas paraqitjes së provave prej ZPS-së dhe procedurës sipas rregullës 130, por para fillimit të paraqitjes së provave prej Mbrojtjes, në rast se do të ketë. Lidhur me kërkesat e mundshme për zhdëmtime nga Mbrojtësi i Viktimave, ato duhet të protokollohen pas aktgjykimit në këtë çështje dhe pasi të jetë vendosur në lidhje me akuzat.

Dëshmitari i 109-të i Prokurorisë në gjykatë Sokol Bashota vazhdon sot paradite dëshminë e tij.

Ju lutemi vëreni në dijeni se seancat e ardhshme në çështjen Januzi dhe të tjerët janë caktuar për 18 dhe 19 dhjetor 2024 ndërsa seancat e tjera në dhjetor janë anuluar. Informacione të reja do të jepen sapo të jenë në dispozicion.

Për shkak të një problemi teknik, transmetimi i drejtpërdrejtë i seancës së sotme në çështjen Thaçi dhe të tjerët është ndërprerë rreth orës 12:30 dhe ka zgjatur për disa minuta. Kërkojmë ndjesë për çdo shqetësim që mund të ketë shkaktuar për shikuesit e transmetimit tonë në internet.

Transkripti i plotë i kësaj seance bashkë me videon do të publikohen në kanalin Youtube dhe në faqen tonë të internetit, sa më shpejt të jetë e mundur.

Sot paradite, Mbrojtja e Hashim Thaçit është duke vazhduar marrjen në pyetje të dëshmitarit të Prokurorisë, Sokol Bashota.

Sot paradite, ZPS-ja ka vazhduar marrjen në pyetje të dëshmitarit të saj të 109-të, Sokol Bashota.

Gjykimi në çështjen Thaçi dhe të tjerët mbylli seancën për sot dhe për javën. Seancat rifillojnë të hënën, më 2 dhjetor, në orën 9:00 të mëngjesit, kur pritet të vazhdojë dëshmia e dëshmitarit të 109-të.

Sokol Bashota është dëshmitari i radhës i ZPS-së, i cili pritet të japë dëshmi gjatë ditëve në vijim.

Në bazë të rregullës 151(2), Trupi Gjykues njoftoi në sallë të gjyqit se ai vendosi ta detyronte dëshmitarin të jepte dëshmi për shkak të, ndër të tjera, rëndësisë dhe dëshmisë unike, dhe për shkak se mundësia për vetinkriminim ishte e kufizuar. Sipas rregullës së njëjtë, pararafit 3, Trupi Gjykues e siguroi dëshmitarin se dëshmia do të jepet  in camera, përveç nëse dëshmitari kërkon ndryshe, dhe nuk do të përdoret kundër tij në asnjë procedim penal të mëvonshëm para DHSK-së, përveç në bazë të nenit 15 (2) të Ligjit dhe rregullës 65 të Rregullores.

Pas konsultimit me mbrojtësin kujdestar të tij, dëshmitari bëri të ditur se dëshiron që dëshmia të kryhet në seancë të hapur.