Aktuale

Në vendimin e fundit të rishikimit të paraburgimit të datës 15 maj 2026, Trupi Gjykues në çështjen Thaçi dhe të tjerët urdhëroi vazhdimin e paraburgimit të Kadri Veselit dhe Jakup Krasniqit. Trupi Gjykues konstatoi se vazhdojnë të ekzistojnë rreziqet që të akuzuarit mund të pengojnë ecurinë e procesit ose të kryejnë vepra penale të tjera.

Transkripti i informimit javor të Dhomave të Specializuara të Kosovës i datës 14/05/2026 është tani i disponueshëm.

Pas përfundimit të pyetjeve të ZPS-së, pyetjeve plotësuese të Mbrojtjes së Thaçit dhe pyetjeve të Gjykatësit të Vetëm, dëshmitarja e Mbrojtjes së Thaçit, prof. Helen Freizër përfundoi sot dëshminë e saj. Seanca e sotme u mbyll dhe nuk seancat që ishin parashikuar për ditët e tjera do të hiqen nga kalendari.
Gjykatësi Gosnell gjithashtu u kujtoi palëve afatet e vendosura në një vendim të mëparshëm të tij, konkretisht për ekipet e Mbrojtjes, që të dorëzojnë njoftime në lidhje me mbylljen e paraqitjes së provave të tyre, si dhe për ZPS-në, që të bëjë të ditur nëse ka ndër mend të paraqesë kundërprova, përkatësisht deri më 14 dhe 15 maj 2026.

Sot në mëngjes po vazhdon dhënien e dëshmisë dëshmitarja e Mbrojtjes së Thaçit, prof. Helen Freizër, e cila po vazhdon të pyetet nga ZPS-ja. Marrja në pyetje nga ZPS-ja filloi dje. Përpara kësaj, dëshmitarja u pyet nga ekipet e Mbrojtjes së Thaçit dhe Fazliut.

Sikurse u informuat prej Gjykatësit të Vetëm, seanca do të ndërpritet për pushimin e drekës nga ora 12:00 deri në 13:30 (12:45 deri 14:15 për transmetimin në internet), pas të cilit pritet të ketë dy seanca që do të zgjasin deri në orën 16:00.

Sot paradite Mbrojtja filloi paraqitjen e argumenteve të saj me dëshminë e dëshmitares së thirrur nga Mbrojtja e Hashim Thaçit. Dëshmitarja, profesore Helen Frejzër (DHT-03), u paraqit si dëshmitare eksperte e transkriptimit në fushën e kriminalistikës.

Transkripti i informimit javor të Dhomave të Specializuara të Kosovës i datës 07/05/2026 është tani i disponueshëm.

Më 5 maj 2026, Trupi Gjykues në ҫështjen gjyqësore kundër Thaçit, Veselit, Selimit dhe Krasniqit lëshoi një urdhër me të cilin shtyu afatin për shqiptimin e aktgjykimit me 60 ditë deri më 20 korrik 2026. 
Trupi Gjykues konstatoi se rrethanat e çështjes gjyqësore përligjin kërkojnë kohë shtesë duke iu referuar sasisë së provave dhe kompleksitetit të procesit. Gjithsesi, Trupi Gjykues nënvizoi se në qoftë se një shtyrje e mëtejshme e fatit do të jetë absolutisht e domosdoshme, Trupi Gjykues do të lëshojë  urdhër për këtë qëllim në kohën e duhur.

Më 1 maj 2026, Kryetarja Ekaterina Trendafilova caktoi Panelin e Gjykatës Supreme për marrjen e vendimit në lidhje me kërkesën për mbrojtje të ligjshmërisë, të dorëzuar si konfidenciale më 29 prill 2026 nga Mbrojtja e Pjetër Shalës.
Kërkesa vjen pas vendimit të Panelit të Apelit me të cilin u rrëzua apeli i Mbrojtjes kundër Urdhrit për Zhdëmtim.
Vendimin në lidhje më këtë kërkesë do ta marrin gjykatësja Ekaterina Trendafilova (Kryegjykatëse), Kristinë van den Vajngart dhe Daniel Fransen.

Në një vendim të bërë publik më 1 maj 2026 (dhe të dorëzuar si konfidencial më 14 prill 2026), Gjykatësi i Vetëm Kristofer Gosnell miratoi kërkesën e Mbrojtjes së Fazliu për ndryshimin e një kushti të lirimit të përkohshëm të tij në lidhje me kontaktin me djalin e tij.
Gjykatësi konstatoi se nuk ekzistojnë më arsyet për kufizimin e mëparshëm të kontaktit dhe e anuloi masën, duke i lejuar Fadil Fazliut të kishte kontakt me djalin e tij. Kushtet e mbetura të lirimit të përkohshëm të tij vijojnë të mbeten në fuqi.