• E martë 26 Mars, 2024 09:45

    Gjykimi Thaçi dhe të tjerët: Shaun Byrnes vazhdon dëshminë

    Dëshmitari i 53-të i Prokurorisë, Shaun Byrnes, vazhdon dëshminë e tij këtë mëngjes. Ai po merret në pyetje nga Mbrojtja e Hashim Thaçit.

  • E hënë 25 Mars, 2024 10:15

    Gjykimi Thaçi dhe të tjerët: ZPS-ja thërret dëshmitarin e 53-të

    Dëshmitari i ri i ZPS-së është Shaun Byrnes, i cili, sipas ZPS-së, ishte Shef i Misionit Diplomatik Vëzhgues të SHBA-së në Kosovë (US KDOM) nga gushti 1998 deri në korrik 1999. Sipas vendimit të mëparshëm të Trupit Gjykues, një përfaqësues nga qeveria e SHBA-së po e shoqëron dëshmitarin në sallën e gjyqit.

  • E enjte 21 Mars, 2024 17:30

    Ndryshim i orarit për seancat e ardhshme në gjykimin Thaçi dhe të tjerët

    Ju njoftojmë se të gjitha seancat në çështjen Thaçi dhe të tjerët deri në pushimin veror do të zgjasin nga ora 09:00 deri në orën 16:30, në vend të orës 16:00 siç ishte planifikuar më parë.

    Orari i përditësuar i sallës së gjyqit gjendet në kalendarin tonë në internet.

  • E mërkurë 20 Mars, 2024 15:45

    Përfundon gjykimi Thaçi dhe të tjerët për këtë javë/rinis më 25 mars

    Pas përfundimit të dëshmisë së dëshmitarit të 52-të të ZPS-së, gjykimi në çështjen Thaçi dhe të tjerët përfundoi për ditën e sotme dhe për këtë javë. Gjykimi do të rinis të hënën, më 25 mars, në ora 09:00.

  • E mërkurë 20 Mars, 2024 11:00

    Gjykimi Thaçi dhe të tjerët: dëshmitari i 52-të vazhdon dëshminë

    Dëshmitari i ZPS-së W04571 është duke e vazhduar dëshminë e tij këtë mëngjes. Ai po merret në pyetje nga Mbrojtja e Hashim Thaçit.

  • E martë 19 Mars, 2024 17:15

    Gjykimi Thaçi dhe të tjerët: orari i ri i seancës së nesërme (20/03)

    Ju lutemi vini re se seanca e nesërme (më 20 mars) në gjykimin Thaçi dhe të tjerët do të nis në orën 10:00 dhe do të përfundojë në orën 16:30.

  • E martë 19 Mars, 2024 15:45

    Gjykimi Thaçi dhe të tjerët: ZPS-ja thërret dëshmitarin e 52-të

    Dëshmitari i ri i ZPS-së është W04571, i cili po dëshmon përmes video-lidhjes. Sipas përmbledhjes së shkurtër të lexuar nga ZPS-ja në sallë të gjyqit, ky dëshmitar është shqiptar i Kosovës, i cili ishte arrestuar dhe mbajtur nga anëtarë të UÇK-së në gusht 1998 ose rreth kësaj date.

    Ky është dëshmitari i 52-të i ZPS-së deri më tani.

  • E martë 19 Mars, 2024 13:00

    Gjykimi Thaçi dhe të tjerët: orari i modifikuar i gjykatës për seancën e sotme (19/03/2024)

    Ju informojmë se pushimi i drekës në gjykimin Thaçi dhe të tjerët ka filluar më herët se zakonisht. Seanca do të rinis në ora 14:30 dhe do të zgjasë deri në ora 16:30, ashtu siq ishte planifikuar.

  • E martë 19 Mars, 2024 10:00

    Gjykimi Thaçi dhe të tjerët: nis dëshmia e dëshmitarit të 51-të të ZPS-së

    Këtë mëngjes nisi dëshmia e dëshmitarit të ri të ZPS-së në gjykimin Thaçi dhe të tjerët. Ky është dëshmitari W04446, vëllai i të cilit, sipas Prokurorisë, gjatë periudhës përkatëse ishte arrestuar nga pjesëtarët e UÇK-së dhe eshtrat e tij nuk janë gjetur asnjëherë.

    Ju lutemi vini re se seanca e sotme dhe ajo e ditës së nesërme pritet të përfundojnë në orën 16:30.

  • E hënë 18 Mars, 2024 15:30

    Thaçi dhe të tjerët: dëshmon dëshmitari i ri i ZPS-së/seanca e sotme do të zgjasë më shumë se që ishte paraparë

    Dëshmitari i 50-të i ZPS-së është Claude Cahn, dëshmia e të cilit, sipas ZPS-së, ka të bëjë me shkeljet e dokumentuara të të drejtave të njeriut të romëve në Kosovë gjatë punës së tij në Qendrën Evropiane për të Drejtat e Romëve (ERRC) në korrik 1999.

    Ju njoftojmë se seanca e sotme do të zgjasë deri në orën 16:30 respektivisht 17:15 (transmetimi me vonesë).