Aktuale

Trupi Gjykues II nxori vendimin e pestë mbi pjesëmarrjen e viktimave në çështjen Thaçi dhe të tjerët. Tetëdhjetë e katër parashtrues të kërkesave u pranuan si viktima pjesëmarrëse në proces gjyqësor. Ata do të përfshihen në grupin ekzistues 1 (i cili numëronte 53 viktima pjesëmarrëse) dhe do të përfaqësohen nga përfaqësuesi i njëjtë i viktimave. Kjo e çon numrin total të viktimave pjesëmarrëse në 137 në këtë çështje. Tetëdhjetë e gjashtë kërkesa u refuzuan në vendimin më të fundit. Më shumë detaje në vendim.

Përfundoi sot konferenca përgatitore në çështjen Thaçi dhe të tjerët. Përveç shtyrjes së datës së fillimit të gjykimit nga 1 mars në 3 prill, Trupi Gjykues gjithashtu urdhëroi që deklaratat hyrëse të vazhdojnë më 4 dhe 5 prill, duke vijuar me seancën e provave më 11 prill 2023 (të gjitha seancat do të fillojnë në ora 09:00). Data e planifikuar për mbylljen e paraqitjes së provave nga ZPS-ja është caktuar për 1 prill 2025. Trupi Gjykues gjithashtu planifikoi një konferencë për ecurinë e çështjes për 20 mars në ora 09:00.

Gjatë konferencës përgatitore të ZPS-së sot në çështjen Thaçi dhe të tjerët, e cila ende vazhdon, Trupi Gjykues miratoi mocionin gojor të Mbrojtjes dhe urdhëroi që gjykimi në këtë çështje fillon më 3 prill me deklaratat hyrëse, dhe jo më 1 mars, siç është njoftuar më herët.

Më 26 janar, Trupi Gjykues II përcaktoi rendin e ditës për konferencën e Prokurorit të Specializuar në çështjen gjyqësore Thaçi dhe të tjerët, e planifikuar të mbahet më 15 shkurt në orën 09:30. Parashtrimi që specifikon të gjitha çështjet mbi rendin e ditës ndodhet këtu.

Më 25 janar, Trupi Gjykues II nxori ​​udhëzimet e tij lidhur me paraqitjen e provave dhe kryerjen e procedurave në gjykimin kundër Hashim Thaçit, Kadri Veselit, Rexhep Selimit dhe Jakup Krasniqit, i cili është paraparë të nis më 1 mars 2023. Vendimi, me udhëzimet për praninë në gjykatë, urdhrin për marrjen në pyetje dhe/ose caktimin e radhës së paraqitjes së dëshmitarëve, pjesëmarrjen e viktimave dhe çështje të tjera, është i disponueshëm këtu.

Sot, më 19 janar, Trupi Gjykues II, pas konsultimeve të mëtejshme me palët dhe pjesëmarrësit, ndryshoi urdhrin e tij të mëparshëm (gojor) dhe caktoi Konferencën përgatitore të Prokurorit të Specializuar në ҫështjen Thaҫi dhe të tjerët, më 15 shkurt 2023, në orën 09:30. Këtu mund ta gjeni urdhrin.

Ju noftojmë se ka përfunduar konferenca e sotme përgatitore për gjykimin në çështjen kundër Thaçit, Veselit, Selimit dhe Krasniqit. Trupi Gjykues II nxori një numër vendimesh gojore që urdhërojnë, mes tjerash, përveç rrethanave të jashtëzakonshme gjatë javëve në vijim, se gjykimi në këtë çështje do të fillojë më 1 mars 2023, paraprirë nga konferenca përgatitore e Prokurorit të Specializuar më 17 shkurt. Në mesin e vendimeve gojore që kanë të bëjnë me afate të ndryshme, Trupi Gjykues e caktoi edhe afatin lidhur me kërkesat për pranimin e viktimave pjesëmarrëse në procedura – Zyra Administrative urdhërohet që çdo kërkesë të tillë ta dorëzojë deri më 15 shkurt 2023 në ora 16:00.

Siç ishte paralajmëruar gjatë konferencës së fundit për ecurinë e çështjes, Trupi Gjykues II ka caktuar konferencën përgatitore për gjykimin në çështjen kundër Thaçit, Veselit, Selimit dhe Krasniqit më 18 janar në ora 09:30. Më shumë detaje mund të lexohen në urdhrin për caktimin.

Gjatë konferencës së sotme për ecurinë e çështjes në çështjen Thaçi dhe të tjerët, Trupi Gjykues II njoftoi synimin e tij për ta caktuar më 1 mars 2023 seancën për deklaratat hyrëse në këtë çështje. Trupi Gjykues më tej theksoi se, për të arritur këtë datë të synua, Konferenca përgatitore për gjykimin do të mbahet më 18 janar 2023, pasuar nga Konferenca përgatitore e ZPS-së, në fillim të shkurtit. Vendimet përkatëse lidhur me këtë do të pasojnë në kohën e duhur.

Pas kalimit të dosjes së çështjes nga gjykatësi i procedurës paraprake, Trupi Gjykues II caktoi një konferencë për ecurinë e çështjes gjyqësore Thaçi dhe të tjerët, më 16 dhjetor, në orën 10:30. Më shumë detaje mund të lexohen në urdhrin për caktimin.