Aktuale

Më 19 mars 2025, Trupi Gjykues në çështjen Thaçi dhe të tjerët refuzoi kërkesën e gjashtë të Hashim Thaçit për lirimin e përkohshëm për arsye humanitare për të marrë pjesë në varrimin e babait të tij. Sipas mendimit të Trupit Gjykues, vizita nën ruajtje gjatë varrimit dhe ceremonive përkujtimore publike, do të kishte shkaktuar shqetësime të konsiderueshme për sigurinë. Trupi Gjykues konstatoi se këto rreziqe do të zvogëloheshin sa duhet në qoftë se vizita kryhej pas varrimit. Vendimi i redaktuar publik i këtij vendimi, i dorëzuar më 7 prill, mund të shihet këtu.

Para dhe pas këtij vendimi, i njëjti Trup Gjykues ka miratuar dy vizita nën ruajtje në muajin mars, ndërsa i ka refuzuar dy vizita në janar dhe shkurt të këtij viti. Lidhjet drejt këtyre vendimeve mund t’i gjeni në vijim: kërkesa e 3-të; kërkesa e 4-të; kërkesa e 5-të; kërkesa e 7-të.

Korniza ligjore e Dhomave të Specializuara të Kosovës u mundëson personave të paraburgosur që të bëjnë kërkesa për vizitë nën mbikëqyrje në Kosovë kur ka arsye humanitare bindëse. Gjykatësit përkatës vendosin për çdo kërkesë të tillë duke u bazuar në informacionin e dhënë në momentin kur bëhet kërkesa.

Ju informojmë se konferenca e radhës për ecurinë e çështjes në çështjen gjyqësore kundër Thaçit, Veselit, Selimit dhe Krasniqit, do të mbahet më 23 prill 2025 në orën 10:00.

Trupi Gjykues njoftoi se dëshmitari i Prokurorisë W04747 ishte paraparë të jap dëshminë e vet këtë mëngjes. Megjithatë, pasi ai nuk ishte në gjendje të paraqitej, ZPS-ja kërkoi që deklarata me shkrim e dëshmitarit të pranohet në prova, në përputhje me Rregullën 155 të Rregullores. Më pas, gjykimi kaloi në seancë private për të vazhduar me urdhra gojorë konkretë lidhur me provat dhe më pas seanca përfundoi për ditën e sotme.

Seancat e planifikuara për pjesën tjetër të kësaj jave janë anuluar dhe gjykimi është shtyrë deri në një njoftim të dytë.

Pas përfundimit të dëshmisë së dëshmitarit të 125-të të Prokurorisë, W04419, gjykimi përfundoi për ditën e sotme dhe për këtë javë. Procesi gjyqësor do të vazhdojë të martën, 1 prill, në orën 09:00.

Ju lutemi vini re se pushimi i drekës sot nuk do të zgjasë deri në orën 14:30 por deri në orën 14:00.

Këtë mëngjes, ZPS-ja thirri dëshmitarin e 125-të në gjykatë. Ky është dëshmitar i mbrojtur W04419, dëshmia e të cilit po bëhet përmes videolidhjes dhe pritet të zhvillohet tërësisht në seancë të mbyllur.

Dëshmitari i 124-rt i Prokurorisë, Naim Maloku, vazhdon dëshminë e tij këtë mëngjes. Pas pyetjeve të ZPS-së dhe Mbrojtjes së Thaçit, dëshmitari aktualisht po merret në pyetje nga Mbrojtja e Kadri Veselit.

Dëshmitari Naim Maloku është duke vazhduar dëshminë e tij të nisur dje. Ai ende po merret në pyetje nga Prokuroria.

Dëshmitari i ri i ZPS-së është Naim Maloku, dëshmia e të cilit ka nisur këtë pasdite. Sipas përmbledhjes së lexuar nga ZPS-ja në gjykatë, ky dëshmitar kishte role të ndryshme në UÇK gjatë periudhës përkatëse, përfshirë në Drejtorinë Operative të Shtabit të Përgjithshëm. Ky është dëshmitari i 124-të i ZPS-së në gjykatë deri më tani.

Ju njoftojmë se gjykimi do të vazhdojë në orën 12:15 ( në orën 13:00 transmetimi në internet) dhe jo në 14:30 siç kemi lajmëruar më herët.