Aktuale

Në kalendarin e rishikuar për pjesën e mbetur të procedurave paraprake në çështjen Gucati& Haradinaj, të publikuar sot, gjykatësi i procedurës paraprake Giju, caktoi 2 korrikun 2021 si datë paraprake për kalimin e dosjes tek trupi gykues. Gjykatësi Giju gjithashtu e zgjati për tetë ditë afatin për dorëzimin e dosjes paraprake nga ana e Mbrojtjes (deri më 22 korrik 2021), dhe caktoi Konferencën e ardhshme për ecurinë e çështjes më 25 qershor në orën 11:00. Më shumë hollësi në vendimin (në anglisht).

Sot përfundoi Konferenca e dytë përgatitore për gjykimin në çështjen Mustafa, e mbajtur ex parte dhe në seancë të mbyllur. Konferenca e tretë përgatitore për gjykimin do të fillojë nesër në mëngjes në orën 09:30 dhe gjithashtu do të mbahet tërësisht ex parte dhe në seancë të mbyllur.

Sot përfundoi Konferenca e parë përgatitore për gjykimin në çështjen Mustafa. Konferenca përgatitore e radhës për gjykimin në këtë çështje do të fillojë këtë pasdite në orën 14:30 dhe do të mbahet tërësisht ex parte dhe në seancë të mbyllur.

Transmetimi i Konferencës përgatitore për gjykimin në çështjen kundër Salih Mustafës, e cila do të mbahet në orën 09:30, do të bëhet me një vonesë prej 45 minutash. Klikoni këtu për të përcjellur transmetimin në shqip.

Më 7 qershor 2021, Kryetarja Trendafilova caktoi panelin e Gjykatës së Apelit të përbërë prej gjykatësve Mishelë Pikar, Emilio Gati dhe Kai Ambos, për marrjen e vendimit lidhur me apelin kundër vendimit të gjykatësit të procedurës paraprake me të cilin ai refuzoi kërkesat e disa individëve për të marrë pjesë si viktima në çështjen Thaçi dhe të tjerët.  Këtu është vendimi i caktimit dhe këtu është apeli, i dorëzuar në të njëjtën ditë.

Siç është njoftuar në Kalendarin tonë të Gjykatës, Konferenca e dytë për ecurinë e çështjes në çështjen kundër Pjetër Shalës do të mbahet të hënën, më 21 qershor në orën 11:00. Më shumë detaje mund të lexohen në urdhrin për caktimin (në anglisht).

Transmetimi i Konferencës për ecurinë e çështjes në çështjen kundër Hysni Gucatit dhe Nasim Haradinajt, e cila do të mbahet në orën 11:00, do të bëhet me një vonesë prej 45 minutash. Klikoni këtu për të përcjellur transmetimin në shqip.

Trupi gjykues në çështjen Mustafa miratoi kërkesat e katër viktimave tjera dhe i pranoi ato si viktima pjesëmarrëse në procedura. Trupi gjykues vendosi që ato të jenë pjesë e Grupit 1 i cili përfaqësohet nga Anni Pues, mbrojtëse e viktimave e caktuar nga Administratorja. Më shumë hollësi në vendimin (në anglisht).

Në një vendim tjetër, trupi gjykues vendosi të caktojë një ekspert i cili do të përgatisë një raport në lidhje me dëmshpërblimet e mundshme të viktimave dhe urdhëroi Zyrën e DHSK-së për Pjesëmarrjen e Viktimave që të paraqesë një listë me tre ekspertë përkatës, deri më 4 qershor.

Trupi gjykues në çështjen Mustafa sot vendosi të caktojë Konferencën përgatitore për gjykimin, në seancë të hapur, më 9 qershor në orën 09:30, e cila, nëse është e nevojshme, do të vazhdojë më 10 qershor. Trupi gjykues gjithashtu vendosi të caktojë dy konferenca të tjera pëgatitore për gjykimin, më 10 dhe 11 qershor, të cilat do të mbahen në seancë të mbyllur. Më shumë hollësi në vendim.

Siç është njoftuar në Kalendarin tonë të Gjykatës, Konferenca e pestë për ecurinë e çështjes në çështjen kundër Hysni Gucatit dhe Nasim Haradinajt do të mbahet të premten, më 28 maj në orën 11:00. Më shumë detaje mund të lexohen në urdhrin për caktimin (në anglisht).