• E enjte 17 Gusht, 2023 14:30

    Informimi javor i DHSK-së për median më 17 gusht 2023: transkripti

    Transkripti i informimit të sotëm javor të DHSK-së për median ndodhet këtu.

    Angela Griep, zëdhënëse e DHSK-së

    Arkivi i të gjitha informimeve të mëparshme është i disponueshëm në këtë faqe ndërsa video incizimet mund të gjenden në kanalin tonë në Youtube

  • E enjte 17 Gusht, 2023 12:30

    Gjykimi i Thaçit dhe të tjerëve përfundon për këtë jave/vazhdon më 28 gusht

    Pas përfundimit të dëshmisë së dëshmitarit Dragica Bozhaniq, gjykimi kundër Thaçit, Veselit, Selimit dhe Krasniqit ka përfunduar për këtë javë dhe do të vazhdojë të hënën, 28 gusht, në orën 09:00.

  • E enjte 17 Gusht, 2023 10:30

    Thaçi dhe të tjerët: Dëshmitari i shtatëmbëdhjetë i ZPS-së fillon dëshminë

    Pas përfundimit të dëshmisë së dëshmitarit W03879 dje, ZPS-ja ka ftuar këtë mëngjes dëshmitarin e saj të shtatëmbëdhjetë. Kjo është dëshmitarja Dragica Bozhaniq, e cila do të dëshmojë pa masa mbrojtëse dhe dëshmia e saj ka të bëjë me ngjarjet në zonën e komunës së Rahovecit në vitin 1998 dhe zhdukjen e anëtarëve të familjes së saj.

  • E mërkurë 16 Gusht, 2023 16:30

    Informimi javor për median më 17 gusht

    Informimi javor i radhës për median do të mbahet të enjten, më 17 gusht, në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së. 

  • E mërkurë 16 Gusht, 2023 16:15

    Gjykimi i Thaçit dhe të tjerëve: seanca e sotme do të zgjasë më shumë se që ishte planifikuar

    Seanca e sotme në gjykimin e Thaçit dhe të tjerëve do të vazhdojë deri në orën 16:20 (transmetimi i drejtpërdrejt) ose në orën 17:05 (transmetimi me vonesë).

  • E mërkurë 16 Gusht, 2023 09:45

    Thaçi dhe të tjerët: vazhdon dëshmia e dëshmitarit W03879

    Vazhdon sot dëshmia e dëshmitarit të gjashtëmbëdhjetë të ZPS-së. Mbrojtja e Rexhep Selimit është duke e marrë në pyetje dëshmitarin.

  • E martë 15 Gusht, 2023 09:45

    Gjykimi i Thaçit dhe të tjerëve: Dëshmitari W03879 vazhdon dëshminë

    Dëshmia e dëshmitarit të gjashtëmbëdhjetë të ZPS-së vazhdoi këtë mëngjes. Dëshmitari ende po merret në pyetje nga ZPS-ja.

  • E hënë 14 Gusht, 2023 10:00

    Vazhdon Gjykimi i Thaçit dhe të tjerëve me dëshminë e dëshmitarit të ri të ZPS-së

    Dëshmitari i ri i ZPS-së në gjykimin kundër Thaçit, Veselit, Selimit dhe Krasniqit është dëshmitari i mbrojtur W03879. Ky është dëshmitari i gjashtëmbëdhjetë deri tani.

  • E hënë 31 Korrik, 2023 17:30

    Dritan Goxhaj arrestohet në Shqipëri në bazë të fletarrestimit të Dhomave të Specializuara të Kosovës

    Më 31 korrik 2023, autoritetet e Shqipërisë arrestuan z. Dritan Goxhaj në Tiranë. DHSK-ja kërkoi bashkëpunimin dhe ndihmën e autoriteteve shqiptare për arrestimin e z. Goxhaj dhe dorëzimin e tij në DHSK, mbi bazën e fletarrestimit të lëshuar nga një gjykatës i DHSK-së në lidhje me  vepra penale kundër administrimit të drejtësisë që përfshijnë frikësim dhe pengim të personave zyrtarë në kryerjen e detyrave të tyre zyrtare. Z. Goxhaj do të mbahet i paraburgosur në Shqipëri në pritje të vendimit të autoriteteve shqiptare lidhur me transferimin e z. Goxhaj në objektin e paraburgimit të DHSK-së në Hagë.

    Më vonë do të jepet më shumë informacion.