Aktuale

Këtë mëngjes, dëshmitari i 114-të i Prokurorisë, Hansjoerg Strohmeyer, vazhdon me dhënien e dëshmisë, të cilën e filloi dje.

Dëshmitari i ZPS-së, Hansjoerg Strohmeyer, ka nisur dëshminë e tij këtë mëngjes. Sipas përmbledhjes së lexuar nga ZPS-ja në gjykatë, ky dëshmitar ka qenë këshilltar ligjor i Përfaqësuesit  Special për Misionin e Administratës së Përkohshme të Kombeve të Bashkuara në Kosovë nga qershori deri në shtator 1999. Ky është dëshmitari i 114-të i ZPS-së deri më tani në gjykatë.

Në çështjen Pjetër Shala, Paneli i Gjykatës së Apelit miratoi kërkesën e Mbrojtjes lidhur me zgjatjen e afatit dhe caktoi datën 28 janar 2025 për dorëzimin e njoftimit të tyre për apel kundër urdhrit për zhdëmtim. I njëjti afat vlen edhe për Mbrojtësin e Viktimave, nëse vendosë të dorëzojë njoftimin për apel. Më shumë informacion në versionin e redaktuar publik të vendimit të Panelit të lëshuar sot, 17 janar.

Transkripti i informimit të sotëm javor të DHSK-së për median ndodhet këtu.

Informimi javor i radhës për median do të mbahet të enjten, më 16 janar, në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected](link sends e-mail). Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.

Pas përfundimit të dëshmisë së dëshmitarit të ZPS-së W04500, gjykimi në çështjen Thaçi dhe të tjerët përfundoi për ditën e sotme dhe për këtë javë. Gjykimi do të rinis të hënën, më 20 janar 2025, në orën 09:00.

Këtë mëngjes, dëshmitari i 113-të i Prokurorisë, W04764, vazhdon me dhënien e dëshmisë nëpërmjet videolidhjes, të cilën e filloi dje.

Pas ftesës së gjykatëses së procedurës paraprake në konferencën për ecurinë e çështjes më 17 dhjetor 2024, Bashkim Smakaj u deklarua lidhur me fajësinë në formë të shkruar, e cila u bë publike sot, 14 janar. Ai u vetëdeklarua i pafajshëm për të gjitha pikat e aktakuzës.

Pas deklarimit të Hashim Thaçit lidhur me fajësinë, për të cilin kemi informuar më herët, të gjithë të akuzuarit në këtë çështje janë deklaruar të pafajshëm lidhur me akuzat.

Dëshmitari i mbrojtur W04500 ka filluar dhënien e dëshmisë, e cila po bëhet përmes videolidhjes. Sipas përmbledhjes së lexuar nga ZPS-ja në gjykatë, dëshmitari ishte arrestuar në vitin 1999 nga pjesëtarë të armatosur të UÇK-së dhe më pas ishte dërguar në një qendër ndalimi ku ishte keqtrajtuar.

Trupi Gjykues njoftoi sot në gjykatë se, sipas marrëveshjes së palëve, deklaratat e mëparshme të dëshmitarit Sokol Dobruna janë paraqitur si provë në vend të dëshmisë në gjykatë, në përputhje me rregullën 155(1) të Rregullores. Rrjedhimisht, Trupi Gjykues e njoftoi dëshmitarin se dëshmia e tij nuk kërkohej më dhe e lejoi atë të largohej. Pas një pushimi, gjykimi do të vazhdojë me dëshmitarin e ri të ZPS-së.