Aktuale

Sot, 4 shkurt 2025, Trupi Gjykues në çështjen Sabit Januzi, Ismet Bahtijari dhe Haxhi Shala miratoi marrëveshjet për pranimin e fajësisë të arritur midis ZPS-së dhe tre të akuzuarve në këtë çështje. Në përputhje me marrëveshjet, Trupi Gjykues shqiptoi gjithashtu dënimet: Haxhi Shala u dënua me  3 vjet burgim, ndërsa Januzi dhe Bahtijari u dënuan me nga 2 vjet burgim. Më shumë hollësi në Komunikatën për shtyp.

Ju lutemi vini re se transmetimi i vendimit mbi marrëveshjet për pranimin e fajësisë, i paraparë të fillojë në orën 14:30, do të bëhet me një vonesë prej 45 minutash. Klikoni këtu për të ndjekur transmetimin në shqip.

Në vendimin e bërë publik sot, 31 janar, Trupi Gjykues në çështjen Januzi dhe të tjerët ka caktuar seancën publike për të martën, 4 shkurt, në ora 14:30, për të vendosur lidhur me marrëveshjet për pranimin e fajësisë mes ZPS-së dhe tre të akuzuarve vitin e kaluar. Tutje, në vendim thuhet se, pas raportit të 20 janarit nga Zyra e DHSK-së për Pjesëmarrjen e Viktimave dhe përgjigjeve nga palët, Trupi Gjykues pranoi një individ si viktimë pjesëmarrëse në këtë çështje gjyqësore. Duke pasur parasysh nevojën për të siguruar zgjidhjen e shpejtë të këtyre procedurave gjyqësore dhe dëmin e kufizuar mendor të përjetuar nga kjo viktimë, Trupi Gjykues vendosi se caktimi i një Mbrojtësi të Viktimave është i panevojshëm. Megjithatë, në përputhje me nenin 22(7) të Ligjit, Trupi Gjykues do të trajtojë zhdëmtimet e mundshme për viktimën. Rrjedhimisht, palëve u kërkohet të dorëzojnë versionet e rishikuara të marrëveshjeve të tyre për pranimin e fajësisë, përfshirë propozimet për zhdëmtimet që do t'i jepen viktimës, deri të hënën, 3 shkurt 2025, ora 16:00.

Hollësi të mëtejshme mund të gjenden në vendimin e Trupit Gjykues.

Siç ishte bërë e ditur gjatë konferencës për ecurinë e çështjes më 22 janar, për të cilën informuam këtu, ZPS-ja dorëzoi sot, 30 janar, njoftimin më të fundit lidhur me listën e dëshmitarëve. Njoftimi, pjesa më e madhe e të cilit është redaktuar, mund të shihet në  dokumentacionin gjyqësor publik.

Transkripti i informimit të sotëm javor të DHSK-së për median ndodhet këtu.

Pas përfundimit të dëshmisë së dëshmitarit të 119-të të Prokurorisë, W02714, gjykimi përfundoi për ditën e sotme dhe për këtë javë. Procesi gjyqësor do të vazhdojë të hënën, 10 shkurt 2025, në orën 09:00.

Dëshmitari i ri i ZPS-së, W02714, po dëshmon përmes videolidhjes. Sipas përmbledhjes së ZPS-së në gjykatë, ky dëshmitar ishte rrëmbyer në qershor 1999 nga individë të armatosur, të veshur me uniforma me emblemën e UÇK-së, dhe më pas ishte dërguar në vende të ndryshme, ku ishte keqtrajtuar.

Transmetimi i drejtpërdrejtë është duke funksionuar përsëri. Ju lutem vini re se, për shkak të vështirësive të mëhershme teknike, një pjesë e shkurtë e seancës nuk ishte e disponueshme në transmetimin e gjykimit Thaçi dhe të tjerët. Dhomat e Specializuara të Kosovës do t'a vënë në dispozicion të mediave dhe të publikut, sa më shpejt të jetë e mundur, regjistrimin e plotë publik të seancës së sotme, duke përfshirë pjesën e cila nuk ishte e disponueshme gjatë transmetimit.

Ju informojmë se kemi disa probleme teknike që kanë të bëjnë me transmetimin me vonesë, për shkak të të cilave transmetimi i drejtpërdrejt në internet nuk është i disponueshëm për momentin. Jemi duke u përpjekur që ta zgjidhim problemin sa më shpejt të jetë e mundur.

Informimi javor i radhës për median do të mbahet të enjten, më 30 janar, në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected](link sends e-mail). Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.