Aktuale

Informimi javor i radhës për median do të mbahet të enjten, më 4 shtator, në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.

Më 2 shtator 2025, Trupi Gjykues në çështjen kundër Hashim Thaçit, Kadri Veselit, Rexhep Selimit dhe Jakup Krasniqit lëshoi urdhrin e mëtejshëm lidhur me orarin e paraqitjes së provave prej Mbrojtjes. Trupi Gjykues caktoi 14 nëntorin 2025 si datën e synuar për përfundimin e paraqitjes së provave prej ekipeve Mbrojtëse të Thaçit dhe Krasniqit, ose një javë pas dëshmitarit të fundit të Mbrojtjes, cilado që ndodh e para. Trupi Gjykues gjithashtu i informoi të gjitha palët që të përgatiten për të dorëzuar dosjet e tyre gjyqësore përfundimtare, si dhe deklaratën lidhur me ndikimin e krimeve të pretenduara në viktimat pjesëmarrëse në procedurat gjyqësore, para fillimit të pushimit dimëror të gjykatës më 22 dhjetor 2025. Vendimi përcakton gjithashtu afatet shtesë dhe udhëzimet procedurale për pjesën tjetër të çështjes së Mbrojtjes.

Më 1 shtator 2025, Paneli i Gjykatës së Apelit rrëzoi apelin e  Isni Kilajt kundër vendimit të Gjykatëses së Procedurës Paraprake ku urdhëronte vazhdimin e paraburgimit të tij, të lëshuar më 5 qershor të këtij viti. Vendimi i Panelit gjendet këtu. 
 
Kyështë apeli i katërt i Kilajt kundër vazhdimit të paraburgimit që rrëzohet, si në çështjen paraprake para lirimit të tij në Kosovë  (KSC-BC-2018-01) dhe më pas në çështjen aktuale (KSC-BC-2023-12). Shih postimet tona të mëparshme: 11 janar 2024;  26 shkurt 2024; 28 janar 2025.

Transkripti i informimit të sotëm javor të DHSK-së për median ndodhet këtu.

Sikurse është raportuar më herët, më 16 korrik, Trupi Gjykues II rrëzoi mocionin e përbashkët të Mbrojtjes ku kërkohej rrëzimi i akuzave sipas rregullës 130 të Rregullores. Në konferencën për ecurinë e çështjes më 22 korrik, Paneli lëshoi një urdhër gojor me të cilin urdhëroi ekipet e Mbrojtjes të bënin publik mocionin e tyre. Versioni i redaktuar publik i mocionit është i disponueshëm në Dokumentacionin Gjyqësor Publik të Gjykatës. Në përputhje me të njëjtin urdhër, tashmë është riklasifikuar si publike Përgjigjja e ZPS-së ndaj mocionit sipas rregullës 130, e cila është gjithashtu e disponueshme.
 
Këto dhe dokumente të tjera relevante, së bashku me informacion të mëtejshëm në lidhje me këtë gjykim, gjenden në faqen e çështjes gjyqësore Thaçi dhe të tjerët.
 

Transkripti i informimit të sotëm javor të DHSK-së për median ndodhet ketu.

Informimi javor i radhës për median do të mbahet të enjten, më 21 gusht, në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.

Sikurse u përmend në konferencën e sotme përgatitore për Mbrojtjen, kalendari i seancave gjyqësore në gjykimin Thaçi dhe të tjerët është përditësuar dhe është për deri në fund të vitit 2025. Kalendari i plotë mund të lexohet në Kalendarin e Gjykatës në internet.
Më tej në lidhje me kalendarin, Trupi Gjykues II  konfirmoi sot se paraqitja e provave të Mbrojtjes do të fillojë më 15 shtator 2025 dhe se më 25 shtator nuk do të mbahet seancë gjyqësore, sikurse ishte planifikuar më herët.
 

Gjykatësja e Procedurës Paraprake në çështjen gjyqësoreThaçi dhe të tjerët për akuzat lidhur me administrimin e drejtësisë, lëshoi vendimin e saj lidhur më kërkesën e ZPS-së për modifikimin e kushteve të paraburgimit të Hashim Thaçit. Gjykatësja Masëlo miratoi pjesërisht kërkesën, në të cilën miratoi disa kufizime të vizitave të paprivilegjuara të Thaçit prej disa personave të caktuar që përmenden në vendim, i cili u lëshua më 18 gusht 2025. Pjesa tjetër e mocionit të ZPS-së u hodh poshtë. Kufizimet e reja do të rishikohen çdo tre muaj prej Gjykatëses nëse janë ende të domosdoshme. 

Sikurse ju kemi informuar më parë, pas refuzimit nga Trupi Gjykues të kërkesave të tyre për lirim të përkohshëm, Kadri Veseli, Rexhep Selimi dhe Jakup Krasniqi i paraqitën apele Panelit të Gjykatës së Apelit. Më 13 gusht 2025, Paneli i Gjykatës së Apelit i rrëzoi të tre apelet. Vendimet janë të disponueshme në këtë lidhje.