Aktuale

Informimi javor i radhës për median do të mbahet të enjten, më 8 shkurt në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së. 

Më 5 shkurt 2024, Paneli i Gjykatës së Apelit hodhi poshtë apelin e Sabit Januzajt kundër vendimit të Gjykatësit të Procedurës Paraprake me të cilin ishte refuzuar kërkesa e tij për lirim të përkohshëm. Vendimi  i Panelit të Gjykatës së Apelit ndodhet këtu.

Sipas urdhrit gojor të Gjykatësit të Procedurës Paraprake më 3 nëntor të vitit të kaluar, Prokurori i Specializuar e dorëzoi si konfidenciale dosjen paraprake në çështjen Sabit Januzi dhe Ismet Bahtijari. Protokollimi përkatës me të dhëna lidhur me këtë parashtrim mund të gjendet këtu.

Pak pas fillimit të dëshmisë së dëshmitarit të 45-të të ZPS-së gjykimi i Thaçit dhe të tjerëve përfundoi për ditën e sotme dhe për këtë javë. Gjykimi do të vazhdojë më 20 shkurt, në ora 09:00.

Këtë pasdite ka nisur dëshmia e dëshmitarit të ri të ZPS-së, Hajrush Kurtaj, ish anëtar i UÇK-së, i cili po dëshmon pa masa mbrojtëse. 

Transkripti i informimit të sotëm javor të DHSK-së për median ndodhet këtu.

Dëshmitari i 44-të i ZPS-së vazhdon dëshminë këtë mëngjes.

Dëshmitari i mbrojtur i ZPS-së, W04325, vazhdon dëshminë këtë mëngjes.

Sikurse u përmend në njoftimin tonë pak më herët sot, nesër do të mbahet një seancë e jashtëzakonshme ex-parte në orën 16:00. Për këtë arsye, nesër (31 janar) seanca e rregullt gjyqësore në çështjen Thaçi dhe të tjerët do të mbahet nga ora 09:00 deri në 15:15.

Sot pasdite ZPS-ja thirri dëshmitarin e saj të radhës. Ky është dëshmitari W04325, që, sipas Prokurorisë, do të dëshmojë lidhur me çfarë ka parë dhe mësuar gjatë shumë vizitave në një numër shtabesh të UÇK-së gjatë periudhës përkatëse, si edhe për komandantët e UÇK-së me të cilët pati kontakte.