Aktuale

Trupi Gjykues në çështjen Thaçi dhe të tjerët miratoi pjesërisht një mocion të ZPS-së dhe urdhëroi mospraninë e një anëtari të një ekipi mbrojtës në sallën e gjyqit gjatë dhënies së dëshmive të dëshmitarëve nën masa mbrojtëse. Gjithashtu, Trupi Gjykues ua kujtoi palëve pjesën përkatëse të Urdhrit për kryerjen e procedurave (“Në parim, pjesëmarrja në gjykatë do të kufizohet në mbrojtësit dhe administratorët e çështjes. Nëse një palë dëshiron të sjellë në sallën e gjyqit një anëtar tjetër të ekipit, ajo do të njoftojë 24 orë përpara të gjitha palët dhe pjesëmarrësit, Zyrën Administrative dhe trupin gjykues.”).

Më shumë detaje në vendimin e plotë.

Të enjten, më 22 qershor në orën 14:30, do të mbahet informimi javor i radhës për median. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së. 

Ka përfunduar konferenca për ecurinë e çështjes ndërsa seanca e paraparë për nesër (21 qershor) është anuluar. Gjykimi ndaj Thaçit dhe të tjerëve do të rinis më 10 korrik, në orën 09:00.

Pas dëshmisë së dëshmitarit të 11-të të ZPS-së, seanca e sotme e paraqitjes së provave në çështjen Thaçi dhe të tjerët ka përfunduar. Siç është propozuar nga Trupi Gjykues, është duke u zhvilluar një konferencë për ecurinë e çështjes për të diskutuar në lidhje me hapat për të siguruar që procedurat të jenë publike në një shkallë më të lartë (çështje e cila është përmendur gjatë seancës më 17 maj).

Dëshmitari i 11-të i ZPS-së është duke vazhduar dëshminë përmes videolidhjes dhe është duke u marrë në pyetje nga ZPS-ja.

Pas përfundimit të dëshmisë së dëshmitarit W03540, Prokuroria ka ftuar dëshmitarin e 11-të në gjykimin e Thaçit dhe të tjerëve. Dëshmitari i mbrojtur W03811 është duke dëshmuar përmes videolidhjes.

Gjatë seancës së sotme (19 qershor), Trupi Gjykues në çështjen Thaçi dhe të tjerët, duke pasur parasysh datën e synuar për përfundimin e çështjes së ZPS-së (prill 2025), shprehu shqetësimin e tij lidhur me ritmin aktual të dhënies së dëshmive në gjykatë. Duke marrë parasysh se janë shpenzuar rreth 120 orë për dëshmitë e vetëm 10 dëshmitarëve, Trupi Gjykues ua kujtoi palëve se është e panevojshme që dëshmitarët të merren gjerësisht në pyetje për çështje të cilat janë të padiskutueshme. Mbi këtë bazë, Trupi Gjykues shprehu besimin e tij se ZPS-ja mund të zvogëlojë në mënyrë të konsiderueshme kohën e nevojshme për marrjen në pyetje, ndërkohë që Mbrojtja u urdhërua të rivlerësojë kohën që kanë paraparë për marrjen në pyetje të dëshmitarëve të ardhshëm.

Dëshmitari i dhjetë i Prokurorisë në gjykimin kundër Thaçit, Veselit, Selimit dhe Krasniqit është dëshmitari i mbrojtur W03540, i cili po dëshmon me pamje të ndryshuar.

Pas përfundimit të dëshmisë së dëshmitarit të tetë të Prokurorisë, gjykimi kundër Pjetër Shalës përfundoi për këtë javë dhe do të rinis më 26 qershor në orën 09:30. Në fund të seancës së sotme, Trupi Gjykues lëshoi një urdhër gojor sipas të cilit, mes të tjerash, 6 korriku 2023 është data e synuar për mbylljen e çështjes së ZPS-së. Varësisht nga rezultati i mocionit të Mbrojtjes, në bazë të Rregullës 130 (për rrëzimin e akuzave), në qoftë se kanë, 21 ose 22 gushti janë datat e caktuara për nisjen e paraqitjes së provave prej Mbrojtësit të viktimave, në qoftë se kanë, ndjekur nga Konferenca përgatitore e Mbrojtjes (gjatë së njëjtës javë). Trupi Gjykues caktoi 18 shtatorin 2023 si datë provizore për nisjen e paraqitjes së provave prej Mbrojtjes, në qoftë se kanë.

Dëshmitari i tetë i Prokurorisë në gjykimin e  Shalës është dëshmitari ekspert Zbyněk  Dolejši, ekspert për identifikimin e ADN-së, nga Praga, Republika Çeke.