Aktuale

Kryetarja dhe Administratorja e Dhomave të Specializuara të Kosovës dhe Ushtruesi i Detyrës së Prokurorit të Specializuar mirëpritën sot Ministrin irlandez të Shtetit për reformën ligjore dhe rininë, James Browne, i cili vizitoi gjykatat në Hagë. 

Të enjten, më 8 qershor në orën 14:30, do të mbahet informimi javor i radhës i DHSK-së për median. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së. 

Kryetarja dhe Administratorja e Dhomave të Specializuara të Kosovës mirëpritën sot Kryetarët e Gjykatave Supreme të disa shteteve afrikane për të biseduar lidhur me mandatin e DHSK-së. Vizita u organizua nga Instituti Afrikan i së Drejtës Ndërkombëtare, Fondacioni Afrikan për të Drejtën Ndërkombëtare dhe Projekti i Hagës për Paqen dhe Drejtësinë.

Pas përfundimit të dëshmisë së dëshmitarit të shtatë të ZPS-së, gjykimi ndaj Pjetër Shalës përfundoi për këtë javë dhe do të rinis të premten, më 16 qershor 2023, në orën 09:30. Seancat e planifikuara për pjesën tjetër të kësaj jave (07-09 qershor) anulohen.

Dëshmitari i mbrojtur i ZPS-së TW4-01 vazhdon dëshminë e tij në gjykimin e Shalës.

Dëshmitari i mbrojtur i ZPS-së TW4-01 vazhdon dëshminë e tij në gjykimin e Shalës. 

Gjykimi do të rinis të hënën, më 5 qershor, në orën 09:30.

Në një vendim të lëshuar më 1 qershor 2023, gjykatësit e Dhomës së Specializuar të Gjykatës Kushtetuese (DHSGJK) vendosën të zgjedhin gjykatësin Vidar Stensland si gjykatës kryesues të DHSGJK-së, në përputhje me Rregulloren e Punës së DHSGJK-së, për një mandat njëvjeçar i cili fillon më 1 qershor 2023.

Pas emërimit të Prokurores së re të Specializuar, Kimberly West, sot kemi nxjerrë dy komunikata për shtyp të cilat mund të lexohen këtu.