Aktuale

Më 25 maj 2022, gjykatësi i procedurës paraprake Giju nxori vendimin e tretë mbi pjesëmarrjen e viktimave në çështjen Thaçi dhe të tjerët. Dymbëdhjetë parashtrues të kërkesave u pranuan si viktima pjesëmarrëse në proces gjyqësor. Ata do të përfshihen në grupin ekzistues 1 (i cili numëronte 20 viktima pjesëmarrëse) dhe do të  përfaqësohen nga përfaqësuesja e njëjtë  e viktimave.

Më 20 maj 2022, Paneli i Gjykatës së Apelit hodhi poshtë apelet e parashtruara nga Thaçi dhe Veseli, kundër vendimit të Gjykatësit të Procedurës Paraprake që rrëzoi kundërshtimet e Mbrojtjes mbi ligjshmërinë e DHSK/ZPS-së si dhe  pretendimet për shkelje të disa të drejtave kushtetuese të të akuzuarve. Vendimi gjendet në Dokumentacionin Gjyqësor Publik.

Sot, gjatë konferencës mbi ecurinë e çështjes Thaçi dhe të tjerët, Gjykatësi i Procedurës Paraprake, Nikola Giju, lëshoi gojarisht urdhër për ekipet e Mbrojtjes që t’i dorëzojnë dosjet e tyre paraprake deri të premten, 21 tetor 2022.

Ju informojmë se konferenca mbi ecurinë e çështjes Thaçi dhe të tjerët do të fillojë më vonë se në orarin e planifikuar (në orën 15:30 në sallën e gjyqit ose në orën 16:15 në transmetimin në internet).

Seanca e sotme në çështjen Mustafa përfundoi dhe seanca e planifikuar për nesër më 20 maj, u anulua. Pas parashtrimeve të djeshme të Mbrojtjes në lidhje me rishqyrtimin e qëndrimit të mëparshëm të saj, sot nuk u zhvillua deklarata pa betim e të akuzuarit në përputhje me rregullën 142 të Rregullores. Gjykimi u shtye deri në  një njoftim të mëtejshëm.

Të enjten, më 19 maj në orën 14:30, do të mbahet informimi javor i radhës i DHSK-së për median. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.

Videoincizimi i aktgjykimit në çështjen Gucati&Haradinaj tani është në dispozicion në kanalin Youtube. Klikoni këtu për të shikuar videoncizimin në shqip.

Sot, Trupi Gjykues II, shpalli aktgjykimin e tij në çështjen Prokurori i Specializuar kundër Hysni Gucatit dhe Nasim Haradinajt. Trupi Gjykues shpalli të dy të akuzuarit fajtorë për pengim të  personave zyrtarë në kryerjen e detyrave zyrtare, frikësim gjatë procedurës penale dhe shkelje të fshehtësisë së procedurës dhe dënoi secilin të akuzuar me nga katër vjet e gjysmë burgim, ku të llogaritet koha e kaluar në paraburgim deri tani, dhe me gjobë prej 100 eurosh për secilin. Më shumë hollësi në Komunikatë për Shtyp.

Transmetimi i shpalljes së aktgjykimit në çështjen kundër Gucatit dhe Haradinajt, e planifikuar për sot paradite në orën 10:00, do të transmetohet me vonesë prej 10 minutash. Klikoni këtu për të ndjekur transmetimin e drejtpërdrejt në shqip.

Siç është njoftuar në kalendarin tonë të Gjykatës, konferenca e radhës për ecurinë e çështjes në çështjen kundër Thaçit, Veselit, Selimit dhe Krasniqit do të mbahet më 20 maj në orën 14:30. Më shumë hollësi mund të lexoni në urdhrin për caktimin e datës.