Aktuale

ZPS-ja vazhdon me marrjen në pyetje të dëshmitarit të saj të parë W03593 në gjykimin ndaj Mustafës.

Ju informojmë se për momentin ka probleme teknike me transmetimin për shkak të të cilave përkthimi në anglisht nuk mund të dëgjohet në gjykimin ndaj Mustafës. Siç ju kemi njoftuar më herët, videoja e plotë do të jetë në dispozicion në kanalin tonë Youtube, sa më shpejt të jetë e mundur, pas seancës dëgjimore.

Dëshmitari i parë i ZPS-së në gjykimin ndaj Mustafës është dëshmitari i mbrojtur W03593.

Trupi Gjykues II nxori ​​udhëzimet e tij fillestare lidhur me paraqitjen e provave dhe kryerjen e procedurave në gjykimin ndaj Gucatit dhe Haradinajt, i cili është caktuar të fillojë më 7 tetor 2021.  Vendimin mund t’a gjeni këtu.

Ju informojmë se regjistrimi i ditës së parë të gjykimit në çështjen Mustafa është në dispozicion në kanalin tonë në Youtube. Klikoni këtu për të shikuar videon në gjuhën shqipe.

Gjithashtu ju informojmë se DHSK-ja do t'i vë në dispozicion regjistrimet e të gjitha seancave publike në të ardhmen, prandaj i këshillojmë mediat dhe publikun që të vizitojnë rregullisht kanalin tonë në Youtube, si dhe faqen e përditësimit në kohë reale.

Dhomat e Specializuara të Kosovës do të fillojnë të ofrojnë informim javor online për median, gjatë të cilit një zëdhënës i DHSK-së do të japë një përditësim të shkurtër. Informimi i parë do të mbahet të premten, më 17 shtator në orën 15:00. Gazetarët e interesuar mund të regjistrohen për të marrë pjesë në informim dhe për të marrë lidhjen duke dërguar një email në [email protected].

Seanca e gjykimit ndaj Mustafës ka përfunduar dhe seanca e caktuar për nesër është anuluar.

Përfaqësuesja e viktimave përfundoi deklaratën e saj hyrëse në gjykimin kundër Mustafës. Seanca vazhdon pas pushimit.

Zyra e Prokurorit të Specializuar e ka përfunduar deklaratën e saj hyrëse. Përfaqësuesja e viktimave ka filluar deklaratën e saj hyrëse në gjykimin ndaj Mustafës.