Aktuale

Siç është njoftuar në kalendarin tonë, pushimi veror në DHSK fillon të hënën, më 26 korrik, dhe përfundon më 13 gusht. Gjatë kësaj periudhe nuk mbahen seanca dëgjimore dhe disa shërbime jo-thelbësore zvogëlohen në minimum. Sidoqoftë, gjykata mbetet plotësisht funksionale gjatë kësaj periudhe dhe puna vazhdon në të gjitha seksionet e DHSK-së. Parashtrimet mund të paraqiten gjatë pushimit.

Më 22 korrik, Gjykatësi i Procedurës Paraprake në çështjen gjyqësore Thaçi dhe të tjerët lëshoi vendimin e tij lidhur me mocionet paraprake të dorëzuara nga të katër të akuzuarit kundër juridiksionit të Dhomave të Specializuara. Gjykatësi Giju miratoi pjesërisht mocionin e Veselit dhe urdhëroi ZPS-në që të paraqesë një aktakuzë të ndryshuar duke përjashtuar formën e zgjeruar të përgjegjësisë së ndërmarrjes kriminale të përbashkët (e njohur si “NKP III”) për krime me synim konkret. Mocionet e Mbrojtjes u hodhën poshtë në të gjitha pikat e tjera.

Gjithashtu, gjykatësi Giju lëshoi vendimin në lidhje me mocionet e Mbrojtjes kundër formës së aktakuzës. Gjykatësi i Procedurës Paraprake miratoi pjesërisht mocionet e Thaçit, Selimit dhe Krasniqit dhe urdhëroi ZPS-në që deri më 3 shtator, të dorëzojë një version të korrigjuar të aktakuzës së konfirmuar në pajtim me vendimin. Pjesët e tjera të mocioneve të tyre u hodhën poshtë dhe mocioni i Veselit u hodh poshtë tërësisht. Të dy vendimet janë në dokumentacionin gjyqësor publik (në anglisht).

Trupi gjykues në çështjen Gucati & Haradinaj sot vendosi të caktojë Konferencën përgatitore për gjykimin, më 1 dhe 2 shtator 2021 në orën 10:00, në prani të ZPS-së dhe të Mbrojtjes. Trupi gjykues gjithashtu vendosi të caktojë përkohësisht datat e konferencës pëgatitore për Prokurorin e Specializuar, më 8 dhe 9 shtator 2021. Më shumë hollësi në vendim.

Transmetimi i Konferencës për ecurinë e çështjes në çështjen kundër Thaçit, Veselit, Selimit dhe Krasniqit, e cila do të mbahet në orën 14:30, do të bëhet me një vonesë prej 45 minutash. Klikoni këtu për të përcjellur transmetimin në shqip.

Sot, Gjykata e Apelit hodhi poshtë 4 nga 5 arsyet e apelit të parashtruar më 7 qershor 2021 nga përfaqësuesi i viktimave, në emër të gjashtë individëve, kërkesat e të cilëve për të marrë pjesë si viktima në procedurën kundër Thaçit dhe të tjerëve ishin hedhur poshtë. Paneli e shtyu vendimin e tij lidhur me arsyen e pestë të apelit dhe ia ktheu atë prapa gjykatësit të procedurës paraprake për shqyrtim të mëtejshëm. Vendimin mund ta gjeni këtu (në anglisht).

Pas njoftimit të gjykatësit të procedurës paraprake, më 14 korrik, se dosja e çështjes do të jetë gati për t’iu kaluar trupit gjykues më 16 korrik, sot, Kryetarja Ekaterina Trendafilova caktoi trupin gjykues II në përbërje nga gjykatësit, Çarls Smith III, Kristof Barte, Genël Metro dhe Fergal Gejnor (gjykatës rezervë) në çështjen kundër Gucatit dhe Haradinajt. Këtu do të gjeni vendimin (në anglisht).

Transmetimi i Konferencës për ecurinë e çështjes në çështjen kundër Hysni Gucatit dhe Nasim Haradinajt, e cila do të mbahet në orën 15:00, do të bëhet me një vonesë prej 45 minutash. Klikoni këtu për të përcjellur transmetimin në shqip.

Më 12 korrik 2021, trupi gjykues I nxori vendimin i cili përcakton modalitetet e pjesëmarrjes së viktimave në gjykimin kundër Salih Mustafës. Në vendimin e tij, i cili ndodhet këtu (në anglisht), trupi gjykues gjithashtu i ka definuar interesat dhe të drejtat e viktimave.

Siç është njoftuar në Kalendarin tonë të Gjykatës, Konferenca e gjashtë për ecurinë e çështjes në çështjen kundër Thaçit, Veselit, Selimit dhe Krasniqit do të mbahet të mërkurën, më 21 korrik në orën 14:30. Më shumë detaje mund të lexohen në urdhrin për caktimin (në anglisht).

Në zbatim të konstatimeve të panelit të Gjykatës së Apelit dhe urdhërit të gjykatësit të procedurës paraprake, më 23 qershor, Zyra e Prokurorit të Specializuar dorëzoi aktakuzën e korrigjuar në çështjen kundër Hysni Gucatit dhe Nasim Haradinajt. Aktakuza ndodhet këtu.