Aktuale

Transkripti i informimit javor të Dhomave të Specializuara të Kosovës i datës 08/10/2026 është tani i disponueshëm.

Më 6 tetor 2026, ekipet e Mbrojtjes së Isni Kilajt dhe Fadil Fazliut dorëzuan versionet e redaktuara publike të dosjeve të tyre përfundimtare në çështjen për administrimin e drejtësisë. Fillimisht dosjet u dorëzuan si konfidenciale më 24 gusht 2026 dhe tani gjenden ne të dhënat gjyqësore publike.
 
Këto janë dosja e tretë dhe e katërt gjyqësore që bëhen publike në këtë çështje gjyqësore, pas dosjes së Mbrojtjes së Thaçi më 22 shtator dhe dosjes së ZPS-së më 24 shtator.

Më 2 tetor 2026, pasi shqyrtoi kundërshtimet e paraqitura nga Mbrojtja, Trupi Gjykues II konfirmoi vendimin e mëparshëm të tij për zhvillimin e procesit të zhdëmtimit dhe lëshimin e urdhrit për zhdëmtim në çështjen Thaçi dhe të tjerët, si dhe vendimin për të mos i referuar viktimat për padi civile në Kosovë. Trupi Gjykues gjithashtu konfirmoi të njëjtat afate që kishte caktuar në Urdhrin e 16 shtatorit 2026.
Trupi Gjykues caktoi afate shtesë për paraqitjen e provave në lidhje me procesin e zhdëmtimit. Më shumë hollësi do të gjeni në Vendim.

Transkripti i informimit javor të Dhomave të Specializuara të Kosovës i datës 01/10/2026 është tani i disponueshëm.

Në vendimin e fundit për rishikimin e paraburgimit të 30 shtatorit 2026, Gjykatësi i Vetëm për Gjykimin e Çështjes urdhëroi vazhdimin e paraburgimit të Hashim Thaçit. Gjykatësi konstatoi se vazhdojnë të ekzistojnë rreziqet që i akuzuari mund të pengojë ecurinë e procesit apo të kryejë vepra penale të tjera. 
Gjykatësi mori parasysh gjithashtu edhe shpalljen fajtor dhe dënimin e Thaçit në çështjen gjyqësore KSC-BC-2020-06 kohët e fundit dhe konstatoi se ato nuk e ndryshonin nevojën për rishikime periodike të paraburgimit të tij në çështjen aktuale, që në parim vlerësohet në bazë të faktorëve në lidhje me këtë çështje.

Më 29 shtator 2026, Paneli i Gjykatës së Apelit miratoi pjesërisht kërkesën e Mbrojtjes për zgjatjen e afatit për dorëzimin e njoftimeve për apel kundër Aktgjykimit. Paneli miratoi të njëjtën zgjatje afati edhe për ZPS-në dhe caktoi datën 27 nëntor 2026 për dorëzimin e njoftimeve për apel nga ekipet e Mbrojtjes dhe nga ZPS-ja. Më shumë hollësi gjeni në Vendim. 

Në një vendim tjetër të lëshuar sot, Paneli i Apelit miratoi modalitetet për pjesëmarrjen e viktimave në procesin e apelit, në të cilin vendosi që të zbatohet një praktikë e ngjashme me atë që u zbatua gjatë gjykimit në shkallë të parë, me përshtatjet e nevojshme.

Pas kërkesës konfidenciale nga ekipet e Mbrojtjes së Thaçit, Veselit, Selimit dhe Krasniqit për zgjatjen e afatit për njoftimet për apel, më 22 shtator 2026, Kryetarja e Dhomave të Specializuara caktoi Panelin e Gjykatës së Apelit, të përbërë nga gjykatësit Mishelë Pikar, Kai Ambos dhe Nina Jorgensen, për të vendosur mbi këtë kërkesë dhe mbi të gjitha parashtrimet e tjera në kuadër të njoftimit për apel në lidhje me Aktgjykimin në këtë çështje. 

Më 24 shtator 2026, ZPS-ja dorëzoi versionin e redaktuar publik të dosjes përfundimtare të saj në çështjen kundër Thaçit, Smakajt, Kilajt, Fazliut dhe Kuçit. Dosja fillimisht u protokollua si konfidenciale më 24 gusht 2026 dhe tani është e disponueshme në Dokumentacionin gjyqësor publik.
Kjo është dosja e dytë gjyqësore përfundimtare që bëhet publike në këtë çështje, pas dosjes së Mbrojtjes së Thaçit më 22 shtator.
 

Transkripti i informimit javor të Dhomave të Specializuara të Kosovës i datës 24/09/2026 është tani i disponueshëm.

Më 22 shtator 2026 Mbrojtja e Hashim Thaçit dorëzoi versionin e redaktuar publik të dosjes gjyqësore përfundimtare të saj në çështjen lidhur me akuza për vepra kundër administrimit të drejtësisë. Dosja fillimisht u protokollua si konfidenciale më 24 gusht 2026 dhe tani është e disponueshme në Dokumentacionin gjyqësor publik.