Aktuale

Siç është njoftuar në kalendarin tonë, Konferenca e njëmbëdhjetë për ecurinë e çështjes në çështjen gjyqësore kundër Thaçit, Veselit, Selimit dhe Krasniqit do të mbahet të enjten, më 24 mars, në orën 14:30. Më shumë detaje mund të lexohen në urdhrin për caktimin i cili është dorëzuar sot. 

Mbrojtja e Hysni Gucatit është duke paraqitur deklaratën e vet përmbyllëse.

ZPS-ja është duke dhënë deklaratën përmbyllëse në gjykimin ndaj Gucatit dhe Haradinajt. Ekipet e Mbrojtjes pritet që të paraqesin deklaratat e tyre përmbyllëse të martën, (më 15 mars) dhe të mërkurën (më 16 mars), pasuar nga përgjigjet si dhe parashtrimet e ZPS-së lidhur me dënimin, më 17 mars. Parashtrimet e Mbrojtjes lidhur me dënimin dhe deklaratat e të akuzuarve do të bëhen më 18 mars. Trupi Gjykues mund t'u parashtrojë pyetje palëve në çdo kohë gjatë parashtrimeve të tyre.

Për shkak të problemeve teknike, për momentin mund të hasni në probleme me qasjen në dokumentacionin gjyqësor publik si dhe në disa pjesë të tjera të faqes së internetit të DHSK-së. Jemi duke u përpjekur që ta zgjidhim problemin sa më shpejt të jetë e mundur.

Në fund të seancës së sotme në çështjen Mustafa, Trupi Gjykues shqiptoi disa urdhra gojorë, me të cilët ndër të tjera caktoi ditën e martë, 22 mars, si datën kur Mbrojtja do të bëjë deklaratën hyrëse, pas së cilës, më 23 mars, do të fillojë dhënia e dëshmisë nga dëshmitari i parë i Mbrojtjes. Trupi Gjykues i caktoi Mbrojtjes gjithsej 36 orë për marrjen në pyetje të 17 dëshmitarëve të Mbrojtjes të autorizuar për të dhënë dëshmi.

Pas kërkesës përkatëse të paraqitur nga mbrojtësja e viktimave, viktima 05 do të lejohet të shprehë mendimet dhe shqetësimet e veta para Trupit Gjykues ditën e hënë, më 21 mars, për një orë. Gjithashtu, mbrojtëses së viktimave do t’i lejohet që të bëjë parashtrime për një orë, përpara dhe/ose pasi viktima 05 të ketë shprehur shqetësimet e veta.

Në lidhje me një kërkesë tjetër të mbrojtëses së viktimave, Trupi Gjykues ngarkoi Institutin e Mjekësisë Ligjore të Holandës që të bëjë vlerësimin e gjendjes shëndetësore dhe të dëmeve ose lëndimeve të pësuara nga tre viktima, si dhe të përgatisë një raport të cilin duhet ta dorëzojë deri më 13 maj 2022. Trupi Gjykues specifikoi se ky vendim nuk kushtëzon vendimin përfundimtar që do të marrë Trupi Gjykues në lidhje me fajësinë ose pafajësinë e të akuzuarit, e as ndonjë urdhër zhdëmtimi që mund të rrjedhë prej tij.

Të enjten, më 10 mars në orën 14:30, do të mbahet informimi javor i radhës i DHSK-së për median. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.

Konferenca përgatitore për Mbrojtjen në çështjen gjyqësore Mustafa përfundoi për ditën e sotme dhe do të vazhdojë nesër, më 9 mars, në orën 14:30.

Sipas urdhrit të datës 3 shkurt, ZPS-ja ka dorëzuar dosjen gjyqësore përfundimtare në çështjen Gucati dhe Haradinaj. Versioni i redaktuar publik është i disponueshëm në dokumentet publike të gjykatës.

Në fund të konferencës së sotme për ecurinë e çështjes në çështjen gjyqësore Shala, gjykatësi i procedurës paraprake Giju nxori një urdhër gojor me të cilin, ndër të tjera, caktoi 31 majin 2022 si datë provizore për kalimin e dosjes së çështjes trupit gjykues. Gjithashtu, gjykatësi Giju urdhëroi ZPS-në që, më së largu deri më 22 prill 2022, të kryejë të gjitha obligimet e veta lidhur me nxjerrjen e materialit në procedurën paraprake, me përjashtim të materialeve që i nënshtrohen çdo kërkese që ka të bëjë me masat mbrojtëse.

Të enjten, më 3 mars në orën 14:30, do të mbahet informimi javor i radhës i DHSK-së për median. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.