Vizitat e grupeve në Dhomat e Specializuara të Kosovës

Që nga viti 2016, Programi i Vizitorëve i Dhomave të Specializuara të Kosovës u ka krijuar mundësi studentëve dhe grupeve të tjera të vizitojnë gjykatën. Gjatë këtyre vizitave, përfaqësues të Dhomave të Specializuara dhe/ose të Zyrës së Prokurorit të Specializuar i informojnë vizitorët për mandatin dhe procedurat e këtyre institucioneve, ndjekur nga pyetje dhe diskutime. Nëse gjatë kohës së vizitës galeria për publikun dhe mjediset e qendrës për median nuk janë duke u përdorur, Dhomat e Specializuara të Kosovës ofrojnë gjithashtu edhe një vizitë të shkurtër të shoqëruar në mjediset publike të gjykatës (galeria për publikun, qendra për median dhe salla e konferencave për shtyp).

Që prej vitit 2016, në këtë program kanë marrë pjesë mbi 1351 studentë nga 57 universitete të ndryshme të Evropës, Shteteve të Bashkuara dhe të Amerikës së Jugut. Gjithashtu Dhomat e Specializuara janë vizituar edhe nga anëtarë të Gjykatës Kushtetuese të Indonezisë dhe të Gjykatës Penale Ndërkombëtare.

Si organizohet një vizitë në grup

Grupet e përbëra prej 10 deri në 40 persona mund të bëjnë kërkesë për vizitë duke kontaktuar ekipin për informim publik në adresën: mediaKSC@scp-ks.org të paktën katër javë paraprakisht.

Individët, ose grupet e përbërë nga më pak se 10 persona, mund të bëjnë kërkesë t’i bashkëngjiten një grupi vizita e të cilit është programuar më herët. Ju lutemi kontaktoni ekipin për informim publik në adresën: mediaKSC@scp-ks.org për të marrë informacion në lidhje me vizitat e programuara dhe si mund të merrni pjesë.

Informacion të mëtejshëm për rregullat e sjelljes mund të gjeni këtu, ndërsa për mbërritjen dhe regjistrimin këtu.

Dhomat e Specializuara të Kosovës kanë mundësi të pranojnë vetëm një numër të kufizuar vizitash në grup në javë dhe kërkojnë mirëkuptimin tuaj në këtë drejtim.

Prania e përfaqësuesve të nivelit të lartë nga DHSK dhe ZPS nuk mund të garantohet.


Ju lutemi shihni më poshtë një listë të universiteteve studentët e të cilëve kanë vizituar DHSK-në gjatë vitit 2019:

Brandeis University (SHBA)

The Hague Academy (Holandë)

Universite' de Bordeaux, Faculté de Droit et Science politique (Francë)

Philipps-Universität Marburg (Gjermani)

Bordeaux University (Francë)

London School of Economics - LSE (Britani e Madhe)

Genoa University (Itali)

Ludwig-Maximilians, University Munich (Gjermani)

Science Po (Francë)

Universitaet Wien (Austri)

Santa Clara University (SHBA)

Missouri University (SHBA)

Creighton University (SHBA)

The Honourable Society of Lincoln's Inn, London (Britani e Madhe)


Listat e vizitave nga vitet e kaluara mund të gjenden në vijim:

2018 2017